Euskal hautetsiak berriro bildu ziren Basqueskolako II. Topaketan
Abenduaren 1ean, Argomanizko paradoreak hartu zuen Basqueskola Sareko Topaketaren bigarren edizioa. Hitzordu horrek balio izan zuen euskal alkateen eta zinegotzien arteko aliantzak indartzeko, eta esperientziak eta ikaskuntzak partekatzeko, elkarri laguntzeko eta ahalduntzeko.
Arabako, Bizkaiko eta Gipuzkoako hogeita hamar bat tokiko politikarik parte hartu zuten Basqueskolako II. Topaketan, eta, bide batez, 2023ko hautesle berrien harrera prestatzeko aprobetxatu genuen.
Gainera, Batzordeek egindako lan interesgarria partekatu genuen, baita Virginia Wolf Basqueskolak aurten egin dituen nazioarteko topaketak ere.
Berriro elkartzeko eguna izan zen, batez ere, eta elkarrekin ibiltzearen garrantzia gogoratu ahal izan genuen. Hona hemen egin ziren gogoetetako batzuk:
“Emakume politikoen arteko soritate-espazioek demokrazia hobetzen dute”
“Zorionekoa naiz udaletxera iritsi nintzenean beste emakume batzuekin egon naizelako”
“Katea ez haustea”
“Saia gaitezen alderdi-dinamikak gainditzen”
“Hautetsi guztiak hartzea eta eustea, edozein alderditakoak izanda ere”
“Hautesle berriekiko erantzukizuna sentitzen dut”
Urte-amaiera bikaina, ahizpatasun handikoa eta emakumeek politikan izan behar duten parte- hartzea bultzatzen jarraitzeko gogoz.
[su_carousel source=”media: 5867,5866,5865,5864,5863,5862,5861,5860,5859,5858,5857,5856,5855,5854,5853,5852,5851,5850,5849,5848,5847,5846,5845,5844,5843,5842,5841″ link=”image” target=”blank” height=”340″ items=”1″ title=”no”]